Mitanond im söb’n Gwond

Des net nur unser neuer Slogan fürs Bezirksmusikfest is (5.-7. Juli) nächsts Joa, is a unser Konzertwochenend schon gstondn unter dem Motto des is ganz kloa.

Im söbn Gwond hom ma net nur gspüt, gsunga und fia enk hoffentlich gut musiziert, homa uns a mitanond nach dem erfolgreichen Konzert aufs gesellschaftliche und ein zwei Bier konzentriert.
Dass nächsten Tag da Palmsonntag zum spielen is des woa de meisten Musikanten von uns kloa, bis auf Schlogzeiga – woan Gedanken an eana Instrument am Sonntagfrüh ja undenkbar.
Und so kanns hoid a schon amoi passiern, dass Kirchengesellschaft, Pfarrer und da Rest der Kapelle schon längst bereit wär zum maschiern.
Von de Schlogzeiga owa leider fehlt jede Spur, müssen de von Esternberg erst amoi herbringa im Auto de schware Trommler-Fua.

Zu guter letzt sama owa dann doch alle gemeinsam maschiert, do hoidn ma schon zom, hoast unser neuer Slogan ja net umsonst „mitanond im söb’n gwond“.

Danke an der Stelle numal an alle Helfer, Fotografen / Filmer und natürlich eich – mit so an Publikum mocht s‘musizieren wiakle a riesen Freid, euer Besuch und Applaus uns wiakle gfreit hod gscheid. Jetzt drück ma owa amoi auf stopp, mochan a kurze Pause – wieso werdts euch es frong?
Damit ma für unsere Frühschoppensaison 2018 fit werden und dann a wiakle olle Instrumente wieder beinanda hom ;-)